اسلام آباد اور گردونواح میں آج موسم سرد اور خشک رہے گا، اس کے علاوہ مری اور گلیات سمیت پنجاب کے مختلف شہروں میں بھی سرد رہے گا۔
محکمہ موسمیات کا کہنا ہے کہ سیالکوٹ، نارووال، لاہور، شیخوپورہ، گوجرانوالہ، گجرات، جہلم، فیصل آباد، جھنگ، ساہیوال، خانیوال، ملتان، ڈیرہ غازی خان، لیہ، کوٹ ادو اور بہاولپور میں دھند اور سموگ کا امکان ہے۔
محکمہ موسمیات کا کہنا ہے کہ بلوچستان کے شمالی اضلاع، گلگت بلتستان اور کشمیر میں صبح اور رات کے اوقات میں شدید سردی پڑنے کا امکان ہے جب کہ خیبرپختونخوا کے بیشتر اضلاع میں موسم شدید سرد اور خشک رہے گا۔
اس کے علاوہ پشاور، صوابی، مردان، ڈیرہ اسماعیل خان اور اس کے گردونواح میں چند مقامات پر دھند پڑنے کی پیشگوئی کی گئی ہے۔
