ایک تاریخی فیصلے میں، پشاور ہائی کورٹ نے فوجی عدالت سے سزا یافتہ قیدی کو بی ایس میتھس کی ڈگری مکمل کرنے کا موقع دیا ہے۔ عدالت نے متاثرہ طالب علم کا خصوصی امتحان کرانے کے احکامات جاری کر دیئے۔ سزا یافتہ قیدی ثقلین حیدر جو کہ ISF کا کارکن تھا، کو 9 سال قید کی سزا سنائی گئی ہے۔ گرفتاری کے وقت وہ بنوں یونیورسٹی میں بی ایس ریاضی کا طالب علم تھا اور اس کی نامکمل ڈگری 31 دسمبر 2025 کو منسوخ ہونے کا خطرہ تھا۔

ثقلین حیدر نے اپنے تعلیمی مستقبل کو بچانے کے لیے یونیورسٹی سے خصوصی امتحان کرانے کی اجازت مانگی تاہم یونیورسٹی انتظامیہ نے ان کی درخواست مسترد کر دی۔ بعد ازاں انہوں نے سینئر وکیل محمد سلیم اعوان کی مدد سے پشاور ہائی کورٹ بنوں بنچ سے رجوع کیا۔

عدالت نے دلائل سننے کے بعد بنوں یونیورسٹی کو 3 دن میں فیصلہ کرنے کا حکم دیا تاکہ اس بات کو یقینی بنایا جا سکے کہ 31 دسمبر 2025 سے پہلے قید طالب علم کا خصوصی امتحان لیا جائے اور اس کی ڈگری ضائع نہ ہو۔