لاہور میں سعودی پاک جوائنٹ بزنس کونسل کے خصوصی وفد کی آمد پر وزیر اعلیٰ پنجاب مریم نواز نے ان کا پرتپاک خیر مقدم کیا۔ وزیر اعلیٰ خود ایئرپورٹ گئیں اور معزز مہمانوں کو خوش آمدید کہا۔ اس موقع پر سعودی وفد نے وزیر اعلیٰ سے ملاقات کی، جس میں دوطرفہ تجارتی تعلقات، سرمایہ کاری کے مواقع اور باہمی تعاون کے فروغ پر تبادلہ خیال کیا گیا۔ وزیر اعلیٰ نے خادمین الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کے لیے عقیدت و احترام کا اظہار کیا، جبکہ سیلاب متاثرین کے لیے سعودی سفیر کی جانب سے گھریلو سامان کی فراہمی پر تہہ دل سے شکریہ بھی ادا کیا۔